منتدى الاحلام
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


 
الرئيسيةالبوابةاليوميةس .و .جبحـثالتسجيلدخول

شاطر | 
 

 جتها نيله اللى عايزه خلف

اذهب الى الأسفل 
كاتب الموضوعرسالة
omda
صاحب جديد


عدد المساهمات : 18
نقاط : 3380
السٌّمعَة : 1
تاريخ التسجيل : 12/09/2009

مُساهمةموضوع: جتها نيله اللى عايزه خلف   الخميس سبتمبر 24, 2009 10:35 am

يعني أعمل ايه في الليلة البني دي
واحد عمَّال يكلمني عن الستات الوحشين
اللي محتاجين واحد يلف ويدور عليهم
ويعني هو غلط في ايه ؟
هو بس قالها عايز أتجوزك ومش فاهم هي رافضة ليه يعني
مع انه كويس ومستقيم ومعاه فلوس يتجوز وعمره ما كسر إشارة مرور

يعني والنبي أقوله ايه
أقوله مفيش واحدة ممكن تتجوز واحد حسَّاة لسة طفل ومحتاج يكبر....
واحد جوَّة البيضة ورافض يطلع منها
شخص خيالي مفهوش غلطة بس كمان من غير طعم
معرفتش أقوله ايه
يمكن بعد عشر سنين ينفع يفكر في الجواز


والتاني اللي موقف حياته كلها لحد ما يتجوز ...
لازم يتجوز الأول وبعدين كل حاجة تتعمل بعد كدة
والله أنا مستغربة من كمية الرجالة اللي عايزة تتجوز دي
أمال البنات عاملين أفلام عربي ليه
الواد ده بقى مشكلته كبيرة ... تقريباً تايه ...
تايه كتير يعني وبيلف ويدور حوالين كل حاجة
وصعب أوي تلاقيه بيتكلم براحته أو من قلبه

مشكلته منيلة بنيلة
محتاج واحدة بقى تبقى مقطوعاله وتاخده بالراحة كدة ع الهادي
تتكلم معاه مرة واتنين وتلاتة
لحد ما يبتدي يحس بالأمان ويهدا ويبقى على طبيعته
ساعتها هينفع يحب ويتحب ويتجوز وينبسط زي ما هو عايز
أي محاولات تانية هتبقى تكرار سخيف
للفيلم بتاع أصلي كنت فاكر اني بحبها وبعدين لقيت نفسي مبحبهاش


البيه ده بقى مشكلته مشكلة....
غاوي يقضي وقت لطيف مع البنات وبس....
دايماً متعلقة ف دراعه واحدة حلوة
وكل واحدة وبختها اللي تقعد شهر واللي تكمل تلات اشهر
والمصيبة يا جدع ان كلهم بيبقوا عارفين انه بيسرح بيهم
والعلاقة مفيهاش جد من أي نوع وقابلين وبيقضوها يعني
وتلاقيه يا ضنايا بيشتكي م الوحدة والضياع وانه مش لاقي واحدة تحبه
والموضوع حاجة من اتنين يا بيشتغلني يا بيشتغل نفسه

واحدة ايه دي اللي هتحبه وهو بيعمل علاقات بالطريقة دي
مفيهاش معنى ولا بجد ولا بتلمس معاه خااالص
ونس ونس وبس علشان ميبقاش لوحده أبداً


واحد كمان حياته سودا ومنيلة بنيلة ...
عايز ينقى واحدة جاهزة ويحولها لتفصيل
يعني يعرفها ويحبها ويتكلم معاها ويقضيها خروجات وتليفونات
وبعدين يخطبها ويغير شكلها خااالص
ويمنعها بأة تكلم أي حد لا ولاد ولا بنات
أصل صاحبتها ممكن يرجعوها للانحراف اللي هو أنقذها منه

يا نهار اسود
ولما هي كانت منحرفة خطبتها ليه يااد
انما تقول ايه ف الدماغ الصيني اللي مبتكملش اسبوع وتشيط دي


بصراحة حاجة تغيظ
طب والنبي انا قربت اتعقد م المناظر دي
وبس عشان محدش يقول فيمنست(والنبي ما اعرف معناها ايه )
ومتحيزة وابصر ايه
البنات كمان ليلتها ليلة


واحدة تقولي اتخطبت
وقبل ما الحق اقولها مبروك تقولي
عريس يعني مبحبوش ولا حاجة وعنيها تتملي دموع
طب بتعملي ف نفسك كدة ليه وانتي لسة صغيرة ع الحاجات دي


وواحدة تقولك بحبه ... بحبه أوي
وبعد اسبوع تقولي انا اتسرعت أنا مش بحبه أنا بحب التاني أبو عيون ملونة
أقولها ماشي سيبي أحمد وخدي ازداحمد تقولي ما اعرفش ... مش عارفة
أصلي بحبهم الاتنين

بقولك ايه سيبك منهم الاتنين ... شايفة هيثم اللي في الصف الأخراني ده
زي الفل خديه لفة يمكن ينفعك


واحدة تبقى متشحتفة ومتشحورة وكل ما اسألها مالك تقولي عايزة أتنيل أتجوز
وبعدين أقعد أحكي معاها شوية أكتشف انها رفضت علاء وسمير ونبيل وحسين
وكل دول في الشهر اللي فات بس وعلشان ايه مالهم
تقولي مش عارفة دمهم تقيل محبتهمش وبعدين أنا بفكر ف حاجة تانية خالص

أقولها سيبك من جواز الصالونات ده شكله مينفعكيش
واستني شوية يمكن حد من زمايلك ف الشغل أو من جيرانك يعرفك كويس
ويبقى فيه فرصة بينكم وربنا يكرم
تبص لي بقرف ... ايه ده... لأ الكلام ده كله غلط
طنط عليَّة قالتلي هاجيبلك واحد كاروهات المرة الجاية


أنا خلاص ياناس استويت
كفاية كده .... قطعوا الرجالة على الستات
وجاتها نيلة اللي عايزة خلف
الرجوع الى أعلى الصفحة اذهب الى الأسفل
YOYO&
مشرفة علي قسم الموبايلات
مشرفة علي قسم الموبايلات
avatar

انثى الجدي
عدد المساهمات : 76
نقاط : 3493
السٌّمعَة : 2
تاريخ التسجيل : 17/08/2009
العمر : 26
العمل/الترفيه : طــــــــــــــالبة جامعية
المزاج : زى ما انت شايف

مُساهمةموضوع: رد: جتها نيله اللى عايزه خلف   الجمعة أكتوبر 02, 2009 9:03 am

هههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
عسل يا عومدا والله
جاتها نيلة اللى عاوزة خلف
الرجوع الى أعلى الصفحة اذهب الى الأسفل
عاشقة جنة الرحمن
مشرفة علي قسم الاسلاميات
مشرفة علي قسم الاسلاميات
avatar

انثى الجدي
عدد المساهمات : 322
نقاط : 3945
السٌّمعَة : 2
تاريخ التسجيل : 10/07/2009
العمر : 29
الموقع : marbel.yoo7.com
العمل/الترفيه : لا للعمل ولا للترفيه
المزاج : عااااااااااااااااااااال

مُساهمةموضوع: رد: جتها نيله اللى عايزه خلف   الجمعة أكتوبر 02, 2009 6:53 pm

ههههههههههههههههههههههههههههههههههههه

عندك حق والله

دول ناس تطفش بلد بحالها

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
جتها نيله اللى عايزه خلف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاحلام :: قسم الضحك والفرفشة :: غرائب وطرائف-
انتقل الى: